Олий лига 16-тури доирасида Муборакда кечган "Машъал" - "Навбаҳор" учрашуви ниҳоясига етди. Ўйинда дарвозалар тўрт марта ишғол қилиниб, 2:2 ҳисобидаги жанговар дуранг билан тугади.
Учрашувнинг 8-дақиқасида Шаҳбоз Эркинов дарвозабонни хато қилишга мажбур этди. Жарима майдончаси ичида оширилган тўпни Алишер Маҳмудов дарвозага жойлаб қўйди. Бўлим ўрталарида наманганликлар ҳисобдаги фарқни икккитага етказдилар. Саънат Шихов узатган тўпни Шаҳбоз Эркинов ажойиб тарзда дарвоза тўрига жойлаб қўйди.
Биринчи бўлимда мезбонлар ҳисобни қисқартиришди. Бўлим тугашига бешдақиқа қолганида Аббос Омонов томонидан бурчакдан киритилган тўпни Шерзод Файзиев дарвозага боши билан жойлаб қўйди. Асосий вақт тугашига 3 дақиқа қолганида Ҳумоюн Муртозаев ҳисобни тенглаштирди.
Учрашувга қўшиб берилган дақиқаларда "Машъал" яримҳимоячиси Жаҳонгир Жиямуродовнинг гол ҳисобга олинмади.
Эътиборлиси, 40-дақиқада "лочинлар" устози Бахтиёр Ашурматов ҳакамга кескин эътироз билдиргани учун қизил карточка олди.
Олий лига, 16-тур
"МАШЪАЛ" - "НАВБАҲОР" 2:2 (2:1)
Гол: Шерзод Файзиев (40), Ҳумоюн Муртазоев (87) - Маҳмудов (8), Эркинов (27)
"Машъал": 30.Ботир Носиров, 22.Сирож Ҳамроев, 20.Шерзод Файзиев, 8.Аббос Омонов, 13.Шахзод Шайманов, 18.Аббос Шодмонов, 90.Зафар Тураев, 7.Жаҳонгир Жиямуродов, 16.Холмурод Холмуродов, 26.Зоҳир Қўзибоев (с), 9.Ҳумоюн Муртозаев
"Навбаҳор": 87.Акмал Ортиқов, 2.Алишер Саматов, 7.Саънат Шихов, 8.Азимжон Аҳмедов, 9.Илҳомжон Бойдадаев, 10.Алишер Маҳмудов, 22.Шаҳбоз Эркинов, 27.Раббимжон Ҳасанов, 29.Дилшод Жабборов, 33.Тоҳир Шамсиддинов, 89.Бобуржон Акбаров.
