“Қўқон-1912” жамоаси учун иккинчи давра омадли бошланди. Жамоамиз 16-турда Самарқанднинг “Динамо” клубини қабул қилиб, 3:1 ҳисобида ғалаба қозонди. Аммо ҳали олдинда жиддий синовлар кутиб турибди. Кейинги икки турларда мамлакатимизнинг гранд жамоалари бизга рақиблик қилишади. Хусусан, 8 август куни жамоамиз Тошкентда амалдаги чемпион - “Пахтакор” меҳмони бўлади.
Бир кунлик таътилдан кейин жамоамиз аъзолари яна машғулотларни давом эттиришмоқда. Аниқроғи, кеча Рустам Абдуллаев шогирдлари “Пахтакор” билан бўладиган ўйинга тайёргарликни бошлаб юборишди. Футболчиларнинг кайфияти яхши. Барча машғулотларда астойидил меҳнат қилмоқда.
