Малайзияда нуфуз жиҳатдан иккинчи ўринда дея эътироф этиладиган премьер лига баҳсларида 17-тур учрашувлари ўтказилди.
Ҳамюртларимиз Фарҳод Тожиев ва Садриддин Абдуллаевлар тўп сурадиган “Т-Тим” жамоаси бу гал “НС Матрикс” жамоасига қарши баҳс олиб борди. Қизиқарли кечган учрашувда 1:1 ҳисобидаги дуранг қайд этилди.
“Т-Тим” - “НС Матрикс” 1:1
Голлар: Францис Форкей Дое (56) - Зулҳанизам (64)
Мазкур беллашувда Садриддин Абдуллаев бошланғич таркибда майдонга тушди ва тўлиқ 90 дақиқа ўйнади. Фарҳод Тожиев эса жароҳати ҳали тузалмагани боис ўйинни трибунадан кузатди.
Ушбу учрашувдан сўнг “Т-Тим” ҳисобидаги очколар сони 34 тага етди ва жамоа ҳамон мусобақа жадвалининг иккинчи поғонасида бормоқда. 
