“Бухоро” жамоаси учун жорий йилги мавсум унчалик кўнгилдагидек ўтаётгани йўқ. Жамоа биринчи даврани мусобақанинг энг сўнгги ўрнида якунлади.
Бундай натижа эса, табиийки, клуб мухлислари-ю мутасаддиларини қониқтирмас эди. Шу боисдан давралар оралиғида бухороликлар таркибни кучайтиришга жиддий эътибор қаратишди ва бир қатор янги футболчилар билан шартномалар имзолашди. Азиз Ибрагимов, Павел Смоляченко, Алишер Санаев, Руслан Мельзиддинов, Максимилиан Фомин ҳамда Сергей Георгиев каби ўйинчилар мазкур жамоа таркибида дебют қилишга ҳам улгуришди.
Клубга яқин манбамизнинг хабар тарқатишича, “Бухоро”га куни кеча яна бир янги уйинчи келиб қўшилди. Чап қанот ҳимоясини кучайтиришни мақсад қилган мураббийлар штаби Максим Антонинни таркибга қўшиб олишди.
Таъкидлаб ўтамиз, “Бухоро” яқиндагина “Бунёдкор” футболчиси Отабек Шукуровни ҳам ижарага олганди.
