“Челси” бош мураббий Жозе Моуриньо билан янги шартнома имзоланганини эълон қилди, деб хабар бермоқда Sports.ru.
“Беназир” билан янги келишув 4 йилга мўлжалланган, яъни 2019 йилгача амал қилади.
Эслатиб ўтамиз, Моуриньо “Челси”га 2013 йилда қайтганди, аввал португалиялик мутахассис Лондон клубида 2004–2007-йиллар давомида фаолият олиб борган.
Моуриньо итальян ва португал клублари билан ЕЧЛ бош совринини қўлга киритган ягона мураббий ҳисобланади. У “Порту” ҳамда “Интер” клубларида ишлаган вақтида Чемпионлар Лигаси бош совринига эга чиққан. Шунингдек, Жозе Португалия, Англия, Испания ва Италия чемпионатларида ўзи бошқарган жамоалар билан чемпионликни қўлга киритгани билан антиқа натижа соҳиби бўлган.
