"Пахтакор" - "Қўқон-1912" учрашувидан кейин ҳар икки жамоа бош мураббийлари матбуот анжуманида иштирок этишди.
Нўъмон ҲАСАНОВ (“Пахтакор” бош мураббийи): - Ҳар икки жамоа чиройли футбол намойиш қилди. Об-ҳаво ва майдон ҳам бунга имконият берди. Меҳмонларнинг ўйини менда яхши таассурот қолдирди. Йигитлар кўрсатмаларни аниқ бажаришди. Шу тариқа йирик ҳисобдаги ғалабани қўлга киритдик.
Дастлабки 20 дақиқада марказда жуда яхши ҳаракатланмадик. Кейинчалик Махарадзенинг жойини ўзгартирдик ва бу самара берди. Шундан кейин ўйинимиз анча яхши чиқди. Исматуллаев аввал ҳам ҳимоя марказида тўп тепган. Козакни олдинроқда ўйнатишга қарор қилдик. У узоқ масофадан зарбалар беради ва ҳужумга яқин жойда ўзини қулайроқ ҳис қилади.