Англия премьер-лигаси 1-турининг якшанба дастуридан ўрин олган иккита учрашув ўз якунига етди.
Мавсумга тайёргарлик аъло даражада ўтказган ва ўртоқлик мусобақаларида ғоли чиққан “Арсенал” футболчилари “Эмирейтс”да “Вест Хэм” билан “Лондон дербиси”да майдонга тушди.
Европа Лигаси билан хайрлашган “Вест Хэм” “тўпчилар”га кутилмаган “совға” бўлди. Учрашув биринчи бўлимида Куяте ҳамда иккинчи бўлим 12-дақиқасида Сарате киритган голлар шаҳарнинг ғарбий томонидан бўлган жамоага ишончли ғалаба тақдим қилди.
Яна бир учрашувда “Ньюкасл” ва “Саутгемптон” жанговар дурангга имзо чекишди. Дастлаб меҳмонлар Грационо Пелле киритган гол эвазига ҳисобда олдинда боришди, кейин Паписс Сиссе ҳисобни тенглаштирди. Иккинич бўлим бошида “зағизғонлар”нинг янги футболчиси Вейналдум жамоасини олдинга олиб чиқди. Шейн Лонг 79-дақиқада киритган тўп эса таблодаги якуний ҳисоб – 2:2 бўлишини таъминлади.
1-тур
АРСЕНАЛ – ВЕСТ ХЭМ 0:2 (0:1)
9 август, 17.30, “Эмирейтс”
Голлар: 0:1 – 43 Куяте, 0:2 – 57 Сарате.
Арсенал – Чех, Дебюши (Санчес, 67), Косьельни, Мертесакер, Монреаль, Касорла, Коклен (Уолкотт, 58), Ўзил, Окслейд-Чемберлен, Рэмзи, Жиру.
Вест Хэм – Адриан, Рид, Оксфорд (Нолан, 79), Крессуэлл, Огбонна, Томкинс, Куяте, Нобл, Пайе, Сарате (Жарвис, 63), Сако.
Огоҳлантиришлар: Нобл (5), Огбонна (7), Томкинс (37), Монреаль (69).
НЬЮКАСЛ – САУТГЕМПТОН 2:2 (1:1)
9 август, 17.30, “Сент-Жеймс Парк”
Голлар: 0:1 – 24 Пелле, 1:1 – 42 Сиссе, 2:1 – 48 Вейналдум, 2:2 – 79 Лонг.
Ньюкасл – Крул, Эдара, Янмат, Колоччини, Мбемба, Анита (Тиоте, 68), Колбэк, Вейналдум (де Йонг, 81), Сиссоко, Обертан, Сиссе (Митрович, 75).
Саутгемптон – Стекеленбург, Фонте, Таргетт, Соареш (Мартина, 46), Йосида, Дэвис, Ваньяма, Мане, Тадич, Родригес (Лонг, 65), Пелле.
Огоҳлантиришлар: Соареш (12), Колбэк (55), Фонте (60), Митрович (75), Дэвис (87).
