17-тур доирасидаги “Бунёдкор” – “Қизилқум” учрашуви стартидаёқ “қалдирғочлар” етакчиси Жавлон Иброҳимов жароҳат олиб алмаштирилди.
Тўп учун курашда Иброҳимов ўмров суягини (елка ва қўл суяги туташган жой) синдириб олиб, стадиондан тўғри шифохонага йўл олганди.
Жавлон Иброҳимов тезроқ елка қисмидаги жароҳатидан фориғ бўлиши учун “Бунёдкор” шифокорлари уни мунтазам назорат қилиб туришибди. Айни дамда футболчи уйида даволанмоқда. Келаётган шанба куни Жавлон Иброҳимов ўмров суягини қайта тиклаш учун жарроҳлик столига ётади.
“Бунёдкор” ФК рахбарияти, мураббийлари, футболчилари ва барча ишчи ходимлари Жавлон Иброхимовга соғлик саломатлик тилайди ва “операция” муваффақиятли ўтиб, тезроқ яшил майдонга қайтишини кутиб қолади.
