Ўзбекистон кубоги ярим финалидан ўрин олган “Насаф” – “Локомотив” учрашуви “Спорт” телерадиоканали орқали ёзиб олинган ҳолда намойиш этилади.
“Спорт” ТВнинг Қашқадарё вилояти бўйича мухбири Зафар Жўраевнинг маълум қилишича, учрашувни тасвирга олувчи техник гуруҳ аъзолари бугун Қарши шаҳрига ташриф буюришади.
Эслатиб ўтамиз, “Насаф” – “Локомотив” баҳси 12 август куни соат 19:30 да Қарши шаҳридаги “Марказий” стадионда бошланади. Учрашув 12 август куни соат 22:10 дан бошлаб “Спорт” телеканали орқали эфирга узатилиши режалаштирилган.
