Жума оқшомида Англия чемпионатининг 2-тури старт олди. Мавсум стартини ғалаба билан бошлаган “Астон Вилла” ва “Манчестер Юнайтед” жамоалари “Вилла Парк”да ўзаро ҳисоб-китоб қилиб олишди.
“Қизил иблислар” устози Луи ван Гал аввали учрашувга нисбатан таркибда айрим ўзгаришларга қўл урди: Депайни ўзининг севимли нуқтаси чап қанотга қўйди, жамоанинг асосий плеймейкерлик вазифаси эса Янузай зиммасига юклатилди. Голландиялик мутахассиснинг ушбу қарори ўзини оқлади ва якунда муҳим 3 очкони тақдим этди.
Учрашувнинг 29-дақиқасида Депай Мата билан ажойиб комбинация ташкил қилди, испан футболчиси рақиб жарима майдони ичида турган Янузайни тўп билан таъминлади. Аднан эса ҳимоячилар қуршовида эканига қарамай тўпни дарвозанинг олис бурчагига жойлаб қўйди – 0:1.
Бугунги ғалабадан сўнг манкунианликлар тўплаган очколар сони 6 тага етди.
Англия чемпионати
2-тур
Астон Вилла – Манчестер Юнайтед 0:1 (0:1)
14 август, 23.45, «Вилла Парк»
Гол: 0:1 – 29 Янузай.
Астон Вилла – Гьюзан, Бакуна, Ричардс, Кларк, Амави, Верету (Санчес, 78), Гуйе, Вествуд, Айю, Агбонлахор, Синклэйр (Жестед, 59).
Манчестер Юнайтед – Ромеро, Дармиан, Смоллинг, Блинд, Шоу, Кэррик (Швайнштайгер, 60), Шнайдерлин, Мата, Янузай (Эррера, 60), Депай (Янг, 82), Руни.
Огоҳлантиришлар: Айю (71), Эррера (74), Дармиан (84), Гуйе (90).
