Малайзияда нуфуз жиҳатдан иккинчи ўринда дея эътироф этиладиган премьер лига баҳсларида 20-тур учрашувлари ўтказилди. Ҳамюртларимиз Фарҳод Тожиев ва Садриддин Абдуллаев тўп сурадиган “Т-Тим” клуби бу сафар “Уитм” клуби меҳмони бўлди. Анчагина шиддатли кечган баҳс 2:2 ҳисобида дуранг билан тугади. Эътиборли жиҳати шундан иборатки, меҳмонларнинг ҳар иккала голига ҳам Садриддин Абдуллаев муаллифлик қилди. Ҳамюртимиз ўйиннинг 34- ва 54-дақиқаларида муваффақият қозонишга эришди.
Ушбу дурангдан сўнг “Т-Тим” мусобақа жадвалининг 3-ўрнига тушиб қолди.
Кейинги учрашувни “Т-Тим” 18 август куни “СПА Путражая” клубига қарши ўз уйида ўтказади.
