"Қўқон-1912" - "Насаф" (1:3) учрашувидан сўнг ташкил этилган матбуот анжуманинг биринчи қисмида меҳмонлар устози Рўзиқул Бердиев иштирок этди.

- Бугун жамоамиз ўз даражасида ўйнади, шунинг ҳисобига ғалабага эришдик. Ҳисоб йирикроқ бўлиши мумкин эди. Биз 100 фоизлик имкониятлардан фойдалана олмадик.

- Бугунги ўйинда жамоа етакчиси Артур Геворкян негадир тўлиқ куч билан ўйнамагандек, унга шундай кўрсатма берилганмиди?

- Йўқ, ундай эмас. Бугун Артур Геворкян ўз даражасида ўйнади. Балки ўтган икки ўйиндан сўнг бироз чарчагандир, аммо унинг ҳаракатларига эътирозим йўқ. "Қўқон-1912"дан янада кучлироқ ўйин кутгандим. Сабаби бу жамоанинг "Пахтакор" билан ўйинини кўргандим, ўша баҳсда жамоа кучли ўйин кўрсатганди. Бугун эса майдон эгаларининг ўйини қовушмади.

- Азамат Алланиёзов жароҳатидан қайтгач, қисқа фурсат ичида олдинги формасини тиклаб олди, бунинг сири нимада?

- Бунинг сирли жойи йўқ. Азамат Алланиёзов жароҳат олишидан олдин ҳам голлар уради. У майдонга қайтиб тезда гол уришни бошлаб юборди. Унга имкон беришда давом этамиз.

- Бугунги ҳакамлар борасида нима дея оласиз?

- Улар ҳақида гапиришни истамайман. Ҳакамлар ишига баҳо берадиган одамлар бор?