Бугун “Локомотив” ўз майдонида “Сўғдиёна”га қарши баҳс олиб боради. Олий лиганинг 18-туридан ўрин олган мазкур баҳс соат 19:00дан бошлаб “Спорт” телеканали орқали тўғридан-тўғри эфирга узатилади.

ТТЙМИ стадионида бўлиб ўтадиган ушбу беллашув “Локомотив” учун жуда муҳим. Негаки “темирйўлчилар”ни ғалабадан бошқаси қониқтирмайди. “Локомотив” иккинчи даврани “Металлург”га қарши дуранг билан бошлади ва ўтган тур сафарда “Нефтчи”ни мағлуб этиб қайтди.

“Сўғдиёна” эса иккита учрашувни ўз майдонида ўтказди. Даврон Файзиев шогирдлари аввалига “Қизилқум”ни 4:1 ҳисобида мағлуб этган бўлса, кейинчалик “Шўртан”га 0:2 ҳисобида ютқазиб қўйди.

Ўйлаймизки, бугунги ўйин ҳам ўзига яраша қизиқ кечади ва “Локомотив” жамоаси албатта ўз мухлисларини хурсанд қилади.