“Шўртан” – “Бунёдкор” учрашувидан кейин ташкил этилган матбуот анжуманининг иккинчи қисмида ғузорликлар устози қатнашди.

- Иккинчи даврани яхши бошладик ва бу руҳни давом эттираётганимиздан хурсандман. “Бунёдкор”дек жамоа билан ўз майдонимиздаги дуранг ҳам қониқарли натижа ва биз бундан мамнунмиз. Ғуломовнинг тепган тўпини Камолов дарозага тўғрилай олганида Мирзакамол учрашув қаҳрамони бўларди. Лекин дурангдан нолимаймиз. Давралар оралиғида ўз хатоларимизни таҳлил қилиб чиқдик ва улар устида ишладик. Ўйлайманки, биз тўғри йўлдан кетяпмиз. Ботир Қораевнинг жамоамизга қўшилиши жуда фойдали бўлди. У ёшларга барча жабҳаларда ўрнак бўлмоқда. Марказий ҳимоячиларимиз Умар Эшмуродов ва Дарко Станоевич бугун ўзларининг 4-сариқ карточкаларини ишлаб олишди. Энди улар кейинги турда “Динамо”га қарши майдонга туша олишмайди, - дейди Муҳтор Қурбонов.