“Шўртан” – “Бунёдкор” учрашувидан кейинги матбуот анжуманининг биринчи қисмида “қалдирғочлар” устози иштирок этди.
- Учрашув жуда оғир ўтди. Ҳар иккала жамоада ҳам вазиятлар бўлди. Ғузордан ғалаба билан ҳам, мағлубият билан ҳам қайтишимиз мумкин эди. “Шўртан” ҳам иккита яхши вазият яратди ва фойдалана олмади, бизда ҳам худди шундай бўлди. Тўғри очко йўқотдик, лекин биз бундан фожиа ясамаслигимиз керак. Ҳали ўйинлар кўп ва керакли очколарни жамғаришга имкониятларимиз бор. Бугун қайсидир маънода омад ҳам етишмади. Сал омадимиз чопганида ғалабани илиб кетардик. Таркибимизда асосан ёш футболчилар тўп тепишмоқда. Бундай пайтда улардан мунтазам равишда стабил ўйин кутиш қийин. Хатоларимиз устида ишлаб, кейинги учрашувларда уларни такрорламасликка ҳаракат қиламиз, - дейди Сергей Иванович.