“ПСЖ” ҳужумчиси Златан Ибрагимович эртага Франция чемпионати 4-тури доирасида “Монако”га қарши ўтадиган марказий ўйинда иштирок этиши мумкин, деб хабар бермоқда Goal.com га таяниб Sports.ru
Швециялик форвард жароҳат сабаб чемпионат дастлабки учта турини ўтказиб юборганди. Шунингдек италиялик хавбек Марко Верратти ҳам учрашувда иштирок этиши мумкин.
Парижликларнинг янги ярим ҳимоячиси Анхель Ди Мария клуб таркибидаги дебютини ўтказиши кутилаяпти. Куни кеча қўшиб олингани эълон қилинган ҳимоячи Левен Курзава ҳамда аргентиналик хавбек Хавьер Пастореда жароҳат бор.
“Монако” таркибида эса жароҳат сабаб Жоау Моутиньо ва Элдер Кошта майдонга туша олишмайди.
