Олий лигага чиққан жамоамизни кўпчилик мутахассис-у мухлислар юқори баҳолашни исташмади, чунки жамоамиз 1-лигадан чиққан эди-да. Аммо ўша мавсум “Машъал”нинг ўйинлари ниҳоятда кескин тус олди. Мавсум давомида ишончли ўйин кўрсата олган жамоамиз мавсумни кучли бешликнинг бешинчиси сифатида якунлади. “Дарвозабон – ярим жамоа” деганларидек, жамоа бош мураббийи Александр Хомяков мавсум давомида икки дарвозабон хизматидан фойдаланди, булар Олимпия ва Ёшлар терма жамоалримизнинг собиқ дарвозабони Санжар Қувватов ҳамда Ботир Носировлардир!
Умуман бу икки дарвозабонимиз ўзларига билдирилган ишончни тўла оқлай билишди ва бу қайсидир манода ўз исботини топди десак, муболаға бўлмайди. Рус мутахассиси сафар ўйинларида кўп вазиятларда Қувватов хизматларига эҳтиёж сезди шекилли, Санжар доимий равишда майдонда кўриниб турди баъзи ўйинларда у жамоани сардор сифатида майдонга бошлаб тушган ўйинларни ҳам гувоҳи бўлдик.
Жамоамизнинг яна бир дарвозабони Ботир Носиров ҳам ўзига билдирилган ишончни оқлай олди. Энди бу икки иқтидор эгалари бу мавсумни қай даражада ўтказишаяпти буни мухлисларимиз яхши англаб туришибди. Қувватовни танқид таёғи билан савалаймиз деб, турган бир пайтда Олмалиқда бўлиб ўтган “Олмалиқ” ҳамда “Машъал” жамоалари ўртасидаги (1: 3) баҳсида Санжар учрашувнинг ҳақиқий қаҳрамонига айланди ва жамоамиз бу йилги мавсумда “Олмалиқ”дан нақд 6 очкони тортиб олди. Ҳар иккала баҳсда бир хил (3: 1) (1: 3) ҳисоблари қайд этилди.
Навбатдаги баҳс муборакда “Нефтчи”га қарши ўтди, “Машъал” йигитлари бу ўйинни ҳам мухлислар боб чиройли ғалаба билан якунлашди. Бу баҳсда ҳам дарвозамиз Санжарга ишониб топширилди. Санжар бу ўйинда ҳам мухлислар ва мураббийлар ишончини тўла оқлай билди, “Нефтчи”дек номдор рақибнинг кўплаб голга тортадиган зарбаларини моҳирона бартараф этди ва жамоанинг ғалабасига муносиб хисса қўша олди. Ўйин давомида фарғоналик футболчиларда бир талай яхшигина имкониятлар бўлган эди, аммо Санжар уларни бартараф эта олди.
Хулоса ўрнида шуни айтиш жоизки, “Машъал” дарвозабонлар борасида чинакамига ёлчиган. Сабаб жамоада тенг кучли ва кучли икки нафар ишончли, жамоага содиқ дарвозабонлар бор. Ҳар икки дарвозабонимизга ҳам фаолиятларида омад ва муваффақиятлар тилаб қоламиз.
Дилшод Сафаров
