Испания Примерасининг 2-турида “Атлетико” меҳмонда “Севилья”ни 0:3 ҳисобида мағлуб этди. “Матрасчилар” 35-дақиқада Кокенинг аниқ зарбаси эвазига ҳисобни очишди. 79-дақиқада Габи 2-тўпни киритди. 3-тўпни 85-дақиқада Жексон Мартинес киритди. Мартинес “Атлетико” сафида ўзининг биринчи тўпини киритди.
“Атлетико” 6 очко тўплаган ҳолда мусобақа жадвалининг 3-ўринидан жой олди. Иккита дастлабки ўйинда 1 очко тўплаган “Севилья” 11-ўринни эгалламоқда.
Испания Примераси. 2- тур
Севилья – Атлетико М – 0:3
Голлар: Коке, 35 (0:1); Габи, 78 (0:2); Мартинес, 85 (0:3).
Турнинг яна бир учрашувида “Валенсия” “Депортиво” билан 1:1 ҳисобида дурранг натижа қайд қилди. 39-дақиқада меҳмонлар Лукас Переснинг тўпи ҳисобига олдинга чиқиб олдилар. “Кўршапалаклар” 45-дақиқада Альваро Негредо ёрдамида ҳисобни тенглаштиришди. “Валенсия” учрашувни 10 киши бўлиб тушатишга мажбур бўлди: 84-дақиқада Антонио Барраган иккинчи сариқ карточкаси учун ўйиндан четлатилди.
“Валенсия” ва "Депортиво" 2 та дурранг натижа қайд қилган ҳолда чемпионат жадвалининг мос равишда 9- ва 10-ўринидан жой олмоқдалар.
Валенсия – Депортиво – 1:1
Голлар: Перес, 39 (0:1); Негредо, 45 (1:1).
Четлатиш: Барраган, 84 (Валенсия)
Турнинг қолган учрашувларида қуйидаги натижалар қайд этилди:
Эйбар – Атлетик – 2:0
Голлар: Сауль, 34 (1:0, пен); Адриан Гонсалес, 61 (2:0).
Лас-Пальмас – Леванте – 0:0
Хетафе – Гранада – 1:2
Голлар: Ал-Арабий, 26 (0:1, пен); Саксесс, 29 (0:2); Лафита, 80 (1:2).
Вильярреал – Эспаньол 3:1
Голлар: Кайседо, 6 (0:1), Солдадо, 67 (1:1), Бакамбу, 88 (2:1), 90+4 (3:0)
