“Барселона” ҳамда Бразилия терма жамоаси ҳужумчиси Неймар Америка кубогида қилган хатолардан тўғри хулоса чиқарганини таъкидлади.

“Ўша вазиятдан қаттиқ ўкинганман дея олмайман, сабаби ўз хатойим ва айбим учун жазолангандим. Нотўғри иш қилгандим ва бундан тўғри хулоса чиқардим. Бразилия терма жамоаси билан бирга Олимпиада-2016да иштирок этмоқчиман. Мени тўғри тушунишларини ва қарор чиқаришимда эркин бўлишимга имконият беришларини истардим”, – дея Неймар сўзларини келтиради Goal.com га асосланиб Sports.ru.

Эслатиб ўтамиз, Америка кубоги Колумбияга қарши ўйин вақтида Неймар рақиб жамоа форварди Карлос Бакка билан жанжаллашгани сабаб қизил карточка олган ва кейин 4 та ўйинга дисквалификация қилинганди.