Спорт ва молияга ихтисослашган "Sporting Intelligence" портали Англия Премьер-лигасининг 20та клуби трансфери бозорида сарфлаган маблағлар ва даромадларини ҳисоблаб чиқди.

АПЛ жамоалари 2015 йилнинг ёзида рекорд даражада 897,7 миллион фунт сарфлаб, футболчиларнинг сотувидан 416,6 миллион фунт даромад топишган.

Янги футболчиларни сотиб олиш учун барчадан кўп «Манчестер Сити» (154,2 миллион фунт) сарф қилган. Энг кўп даромад топган жамоа эса «Манчестер Юнайтед» (72 миллион фунт) бўлди.

Харажат ва даромад баланси нуқтаи назаридан «Саутгемптон» яхши иш олиб борди. Клуб 41,7 миллион фунтга футболчи сотиб олган бўлса, 38,5 миллион фунтга сотган. Шу тариқа, атиги 3,2 миллион фунт зарар қилган. «Манчестер Сити»да эса бу кўрсаткич – минус 101,3 миллион фунтни ташкил қилди.