“Манчестер Юнайтед” клубининг стадиони – “Олд Траффорд” санитар инспекцияси текшируви натижаларига кўра олий баҳони ололмади. Бу ҳақда The Daily Mail нашри маълум қилмоқда. Бунга майдонда ва трибунаости хоналарида катта миқдорда сичқонлар аниқлангани сабаб бўлган.
Текширувчилар, шунингдек, арена ҳудудида жойлашган ресторанлар ишидан норози қолдилар. Комиссия ходимлари ресторанлар хизмат кўрсатиш ходимлари ҳақида салбий фикрлар қолдирдилар ва таомларнинг тайёрланиши технологияси бўйича ўз эътирозларини билдирдилар.
“Олд Траффорд” ва “Уотфорд” клубининг майдони – “Викаридж Роуд” Англия премьер-лигаси клублари стадионлари ўртасида комиссиянинг юқори баҳосини ололмаган ягона стадионлар бўлди.
2006 йилда “МЮ”нинг Англия кубогидаги уй учрашувида рақиб жамоа “Бертон Альбион” футболчилари майдонда сичқонлар мавжудлигидан шикоят қилгандилар. Тўрт йил ўтиб, Англия чемпионатидаги “МЮ” – “Вест Хэм” учрашувида фотокамералар объективига майдонда чопиб юрган сичқон тушган эди.
