“Барселона” спорт директори Роберт Фернандес клуб аргентиналик ҳужумчи Лионель Мессини ҳеч қачон сотиб юбормаслигини маълум қилди.

“Барселона”нинг Мессини сотиб юбориш эҳтимоли борми? Йўқ, асло. У бизнинг клубда умрининг охиригача тўп суради.

Бахтга қарши у “Барселона” сафида абадий ўйнай олмайди, аммо олдинда яна анча вақт бор. Тўғри, ёш ўтган сари одамлар нималарнидир йўқотишади, аммо Месси – ҳар доим юқори савияда футбол кўрсатиш учун етарли даражада ақлли футболчи.

Месси сингари ўйинчини топиш иложсиз. Унинг кўрсаткичларига эътибор беринг: голлар, совринлар. Шунда сиз унинг натижасини такрорлаш имконсиз эканини тушуниб етасиз”, - дея sports.ru Фернандеснинг сўзларини келтиради.