Мадриднинг "Реал" клуби қанот ҳужумчиси Винисиус Жуниор Ла Лиганинг 20-туридан ўрин олган "Леванте"га (2:0) қарши ўйиндан сўнг, "қаймоқранглилар" мухлислари унга ҳар сафар тўп тушганида ҳуштакбозлик қилишганидан сўнг, атрофидагиларга жамоани тарк этиш истагини билдирган. Бу ҳақда Испаниянинг El Periodico газетаси хабар бермоқда.

"Менга ёқмайдиган жойда ўйнашни истамайман," - дея бразилияликнинг агентларига айтган сўзларини келтиради манба.

Таъкидланишича, Мадрид клуби мухлисларининг ҳуштакбозлиги билан боғлиқ вазият Винисиус учун "сўнгги томчи" бўлган. Ҳужумчи "қаймоқранглилар" мухлисларининг муносабатидан чарчаган ва у клуб учун клубдан кўра кўпроқ иш қилдим деб ҳисоблайди.

Винисиус "Реал"да 2018 йилдан буён тўп тепиб келмоқда. Жорий мавсумда вингер барча мусобақаларда 29 та ўйинда майдонга тушиб, 6 та гол ва 8 та голли узатмага муаллифлик қилди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган.