Madridning "Real" klubi qanot hujumchisi Vinisius Junior La Liganing 20-turidan o‘rin olgan "Levante"ga (2:0) qarshi o‘yindan so‘ng, "qaymoqranglilar" muxlislari unga har safar to‘p tushganida hushtakbozlik qilishganidan so‘ng, atrofidagilarga jamoani tark etish istagini bildirgan. Bu haqda Ispaniyaning El Periodico gazetasi xabar bermoqda.

"Menga yoqmaydigan joyda o‘ynashni istamayman," - deya braziliyalikning agentlariga aytgan so‘zlarini keltiradi manba.

Ta’kidlanishicha, Madrid klubi muxlislarining hushtakbozligi bilan bog‘liq vaziyat Vinisius uchun "so‘nggi tomchi" bo‘lgan. Hujumchi "qaymoqranglilar" muxlislarining munosabatidan charchagan va u klub uchun klubdan ko‘ra ko‘proq ish qildim deb hisoblaydi.

Vinisius "Real"da 2018 yildan buyon to‘p tepib kelmoqda. Joriy mavsumda vinger barcha musobaqalarda 29 ta o‘yinda maydonga tushib, 6 ta gol va 8 ta golli uzatmaga mualliflik qildi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan.