Германиянинг "Байер" ва Мадриднинг "Реал" клублари собиқ устози Хаби Алонсо Англия Премьер-лигасида иш бошлаши мумкин. Бу ҳақда Teamtalk хабар берди.
Манбага кўра, испаниялик мутахассис хизматига Лондоннинг "Тоттенхэм" клуби қизиқиш билдирмоқда. "Шпорлар" жорий мавсумда ёмон натижалар қайд этаётган Томас Франк ўрнига Алонсони номзод сифатида кўриб чиқмоқда.
Эслатиб ўтамиз, Алонсо шу ҳафта бошида "Реал" бошқарувидан истеъфога чиқарилган эди.
Англия Премьер-лигасининг 22-туридан кейин "Тоттенхэм" 27 очко жамғариб, турнир жадвалида 14-ўринни эгаллаб турибди.













