Испаниянинг "Барселона" клуби ҳужумчиси Ламин Ямал ўзини қадрлайдиган ва футболдан чалғитмайдиган одамлар билан дўстлашишга қарор қилди. Бу ҳақда футболчининг яқин доирасига таяниб, Х ижтимоий тармоғидаги The Touchline хабар бермоқда. Манба маълумотларига кўра, испаниялик ўйинчи футбол майдонида ўз истеъдодини намойиш этишга эътиборини қаратмоқчи.
Айтилишича, Ямал энди ҳеч қандай можароларга аралашишни истамайди.
Аввалроқ Ламин Ямал ўзининг Instagram аккаунтидаги барча постларни ўчириб, фақат рекламаларини қолдирган эди. Жорий мавсумда 18 ёшли футболчи "Барселона" сафида барча мусобақаларда 24 та ўйинда 10 та гол урган ва 11 та голли узатма берган.
