"Чемпион плюс" газетасининг янги, №3-сони 8 сентябрдан сотувда.

Сизларни газетада ёритилган мақолалар ва материаллар билан қисқача таништириб ўтамиз.

"Этика" деб номланган кириш мақоласида журналист Қаҳрамон Асланов журналистик этик ҳақида фикр юритган.

"Чемпион" хабарлари ўнлиги ҳар доимгидек, иккинчи саҳифада.

"Гейнрих феномени Бабаянни қутқарди" деб сарлавҳа қўйган журналист Темур Аъзам Ўзбекистон-Яман учрашуви шарҳига.

Ҳафта саволли рукнида "Терма жамоанинг ўйинларини вилоятларда ўтказиш керакми?" саволи устида журналистлар Фарҳод Норбўтаев ва Аброр Қодиров баҳслашишган.

"Оқ бўрилар" "дайди итлар"га қарши. Қўрқманг, бу сарлавҳа остида Сардор Юсупов лақаби шундай бўлган Филиппин миллий терма жамоаси таништирган.

Журналист Хайрулла Ҳамидов "Биринчи ўйин" мақоласида Самвел Бабаяннинг терма жамоа рулидаги илк ўйинини таҳлил қилиб, шу вақтгача терма жамоамизни бошқарган собиқ мураббийларнинг илк ўйинларига ҳам тўхталган.

Қаҳрамон Аслановнинг Ўзбекистон-Яман учрашувининг чуқур таҳлилига бағишланган мақоласи "Олти ҳиссиёт" деб номланган.

Олимхўжа Бўронов ЖЧ-2018 саралашининг ОФК минтақаси 3-тур учрашувларига тўхталиб ўтган.

"Чемпион" архивидан рукнида Қаҳрамон Аслановнинг "Биз Англия бўла оламизми?" мақоласи такрорий чоп этилмоқда.

Журналист Лутфулло Турсунов "ФИФА тақиқининг оғриқли финали" мақоласида ФИФА санкциясига учраган "Барселона"нинг олдида турган қийин мавсум ҳақида сўз боради.

Шерзод Мўминовнинг "Сабр таги сариқ олтин" блогпостида "Манчестер Юнайтед"нинг мавсумлар оралиғида амалга оширган трансферлари ҳақида сўз боради.

Газетанинг бир қанча саҳифадси ЕВРО-2016 саралаш ўйинларига бағишланган. Бунда ҳар бир гуруҳдаги ўйинлар таҳлили, шарҳлар, протоколлар ва мусобақа жадвали ёритилган.

Аброр Қодировнинг колонкасидаги сарлавҳа — "Йўл". Журналист миллий терма жамоани кучайтиришнинг яна бир йўли ҳақида ҳикоя қилади.

"Футбол ва..." рукнимизда ҳар доимгидек, ҳафтанинг энг муҳим янгиликлари ва хабарлари ўрин олган.

Сизни сўнгги саҳифаларимиздаги Твиттердан янгиликлар, ҳажвия ва латифалар, миш-мишлар колонкаси, машҳурлардан иқтибослар ва албатта, газета босмага топширилиш жараёнида Қаҳрамон Асланов томонидан ёзилган чиқиш мақоласи ҳам бефарқ қолдирмаслиги аниқ.

"Чемпион плюс" газетасининг янги сонини матбуот киосклари ва хусусий тарқатувчилардан сўранг.