Люксембург терма жамоаси бош мураббийи Люк Хольтц 7 сентябрь кунги матбуот анжуманида Евро-2016 саралашида Беларусга қарши ўйин олдидан деярли барча футболсчилар ошқозон-ичак муаммосига дуч келганини айтиб ўтди.

Аммо шу куни кечда Люксембург футболчилари тўлиқ таркиб билан машғулот ўтказдилар ва фаол машқ қилдилар.

"Йигирматадан ўн олти ўйинчимиз овқатдан заҳарландилар. Якшанба куни меҳмонхонада ниманидир истъемол қилишганга ўхшайди. Фақат футболчилар эмас, мураббийлар штаби ҳам азият чекди. Беларусга икки шифокорни олгандик, улардан бири ҳам заҳарланди ва кун бўйи ўзини ёмон ҳис қилди.

Футболчилар туни билан ухламай чиқдилар ва тонгги соат 4дан шифокорга чопдилар. Ҳозирча, заҳарланган ўйинчилар майдонга туша оладими, йўқми, тушунарсиз. Ҳозирча, УЕФАдан ҳеч қандай қарор келгани йўқ. Шу билан бирга, биз ҳам бу ўйин бўлиши учун ҳамма ҳаракатларни қиламиз. Бизга ҳам ўйин муддатини суришдан фойда йўқ, асосийси - жамоани тартибга келтириш", - дейди Хольтц.