Ўзбекистон Миллий телерадиокомпаниясининг халқаро алоқалар бўлими Европа Чемпионлар Лигасининг 2015|2016 йиллар мавсумидаги ўйинларини трансляция қилиш бўйича музокараларни давом эттирмоқда.

Бу ҳақда МТРКнинг халқаро алоқалар бўлими «Дарё» сайтига маълум қилди. «Спорт» телеканали ЕЧЛ ўйинларини трансляция қилиш ҳуқуқини мусобақа бошланишига бир кун қолганда ҳам қўлга киритиши мумкин.

Эслатиб ўтамиз, ЕЧЛнинг гуруҳ босқичи 1-тур ўйинлари 15 сентябрь куни бошланади.

Шунингдек, «УзРепорт» телеканалининг мамлакатимизда ЕЧЛ ўйинларини тўғридан-тўғри трансляция қилиш ҳуқуқини қўлга киритганлигини ҳам таъкидлаш жоиз.