Эртага «Навбаҳор» Ўзбекистон чемпионати 21- тур ўйинлари доирасида Самарқанднинг «Динамо» клуби меҳмони бўлади. Ушбу учрашувини Валентин Коваленко бошқариб боради. "Навбаҳор" ва "Динамо" клублари олий лигада 43 бор тўқнаш келишган. 23 учрашувда жамоамиз ғалабани қўлга киритган. Самарқандликлар ҳисобидаги ғалабалар сони эса 12 тани ташкил этмоқда. Саккизта учрашувда томонлар муроса кўчасини танлашган. Тўплар нисбатидаги кўрсаткич эса 79-39, "Навбахор" фойдасига. Ўзаро учрашувларда гол уриш борасида "Навбаҳор"да тўп сурган Шуҳрат Мирхолдиршоевнинг етакчилик қилаётганлигини айтиш мумкин. Мирхолдиршоев 2000 йилдан 2009 йилга қадар самарқандликлар дарвозасини 8 бор ишғол қилган. "Лочинлар"нинг ушбу рақиб устидан эришган энг йирик ғалабаси 1997- йилда қайд этилган. 18 йил аввал "Навбаҳор" ўз майдонида "Динамо"ни 7:1 ҳисобида тор-мор этган. Эътиборлиси, "Динамо" шу пайтга ыадар бирор маротаба ҳам "лочинлар"ни йирик ҳисобда таслим эта олмаган. "Навбаҳорчилар" сўнгги бор Самарқанддан 2011- йилда ғалаба билан қайтишган. 4 йил аввал Рўзим Аҳмедовнинг ягона голи жамоамизга сафарда уч очкони тақдим этган. Леонид Кошелев, Иван Нагаев ҳамда Рўзим Аҳмедовлар ҳар икки клуб шарафини турли даврларда ҳимоя қилиб, ҳар икки жамоа дарвозасини ишғол этишга муваффақ бўлишган. Айни пайт жамоамиз сафида фаолият юритиб келаётган ярим ҳимоячилар Азамат Бобожонов ва Санъат Шихов ҳам ўз вақтида "Динамо" сафида ҳаракат қилиб "Навбаҳор" дарвозасига гол уришни уддалашган. Агарда ушбу икки футболчи эртага "Динамо" дарвозасини ишғол этишса, Кошелев, Нагаев ва Аҳмедов сафини тўлдиришади. Жамоаларнинг биринчи даврада (6-тур) Наманганда бўлиб ўтган ўзаро тўқнашувида "Навбаҳор" самарқандликларни 2:1 ҳисобида мағлуб этганди. Максимилиан Фомин голига Шаҳбоз Эркинов ва Улуғбек Бақоевлар жавоб қайтаришган.
1992 йил
«Мароқанд» - «Навбаҳор» - 1:1 (1:1).
Голлар: С.Кузьмин (10) – Р.Забиров (06).
1993 йил
«Динамо» - «Навбаҳор» - 0:2 (0:2).
Голлар: Э.Сакаев (33), Қ.Абдуқодиров (41).
1995 йил
«Динамо» - «Навбаҳор» - 0:2 (0:2).
Голлар: Е.Ералиев (17), Ф.Магометов (26).
1996 йил
«Динамо» - «Навбаҳор» - 2:3 (0:1).
Голлар: Н.Сусский (55), Ҳ.Жабборов (70) - И.Шарипов (18-пен.,75-пен.,76).
1997 йил
«Афросиёб» - «Навбаҳор» - 2:1 (0:1).
Голлар: М.Дилмуҳамедов (73-автогол), О.Тиллаев (76) – А.Винников (34-пен.).
1999 йил
«Самарқанд» - «Навбаҳор» - 2:1 (0:0).
Голлар: Ж.Ирисметов (52), С.Лошков (76) – Ш.Раҳмонқулов (56).
2000 йил
«Самарқанд-Д» - «Навбаҳор» - 2:0 (2:0).
Голлар: М.Муҳаммадиев (18), О.Усмонхўжаев (37).
2001 йил
«Самарқанд-Д» - «Навбаҳор» - 3:2 (1:1).
Голлар: Ш.Жабборов (44), Р.Бозоров (47), А.Жадигеров (83) – У.Мирхолдиршоев (41), Ш.Мирхолдиршоев (56).
2002 йил
«Самарқанд-Д» - «Навбаҳор» - 0:5 (0:4).
Голлар: С.Турсунов (23), Р.Ғофуров (26), Х.Каримов (33-пен.), Ш.Мирхолдиршоев (39), М.Усмонов (47).
2003 йил
«Самарқанд-Д» - «Навбаҳор» - 1:3 (0:2).
Голлар: Ё.Назаров (68-пен.) - Ш.Мирхолдиршоев (05,83), С.Андреев (40).
2004 йил
«Самарқанд-Д» - «Навбаҳор» - 0:3 (0:0).
Голлар: Ж.Ҳасанов (57), Р.Ғофуров (64), Ш.Мирхолдиршоев (84).
2005 йил
«Самарқанд-Д» - «Навбаҳор» - 1:0 (0:0).
Гол: А.Ғофуров (88).
2006 йил
«Самарқанд-Д» - «Навбаҳор» - 2:0 (0:0).
Голлар: А.Исмоилов (47), Б.Насимов (62).
2007 йил
«Самарқанд-Д» - «Навбаҳор» - 3:2 (1:2).
Голлар: Акмал Рисқуллаев (35-автогол), Ф.Тожиев (57-пен.), И.Раҳимов (82) - А.Черкашин (19), К.Канин (32).
2008 йил
«Динамо» - «Навбаҳор» - 2:0 (1:0).
Голлар: Л.Кошелев (43), Б.Насимов (47).
2009 йил
«Динамо» - «Навбаҳор» - 2:0 (0:0).
Голлар: И.Юнусов (60), О.Мозговой (90).
2010 йил
«Динамо» - «Навбаҳор» -1:0 (0:0).
Гол: А.Крикливий (54).
2011 йил
«Динамо» - «Навбаҳор» - 0:1 (0:0).
Гол: Р.Аҳмедов (56).
2012 йил
«Динамо» – «Навбаҳор» - 2:0 (2:0).
Голлар: И. Нагаев (12, пен.), С. Мустафаев (45+1).
2013 йил
"Динамо" - "Навбаҳор" - 1:1 (0:0)
Голлар: С. Сайфиев (78) - Ғ. Жўраев (58).
2014 йил
«Динамо» – «Навбаҳор» - 2:0 (1:0).
Голлар: С. Шихов (35), Ғ. Ўрунов (79).
