Нуфузли transfermarkt.de сайтининг ҳисоб-китобига кўра, “Зенит” Россия чемпионатида энг қиммат ўйинчиларга эга биринчи рақамли жамоа. Питерлик футболчиларнинг умумий трансфер баҳоси - 190, 4 миллион еврога тенг.
Ўзбекистон терма жамоаси сардори Одил Аҳмедов тўп сурадиган “Краснодар” эса ушбу кўрсаткич бўйича олтинчи ўриндан учинчи поғонага кўтарилиб олди.
Мавсум аввалида ўйинчиларнинг нархи 79,95 миллионни ташкил қиларди. Аммо жамоага Стефан Страндберг ҳамда Шарл Каборе келиб қўшилгач “буқалар” “Спартак” ва “Локомотив”дан қимматроқ клубга айланишди.
Эслатиб ўтамиз, “Краснодар” бундан икки йил муқаддам ушбу рўйхатнинг 9-поғонасида қайд этилган, ўшанда жамоанинг таркиби 37,9 миллион еврога баҳоланганди.
Ўйинчиларнинг трансфер қиймати (миллион евро)
1. “Зенит” – 190,4
2. ЦСКА – 152,65
3. “Краснодар” – 88,15
4. “Локомотив” – 87,75
5. “Спартак” – 84,4
