"Пахтакор" - "Локомотив" учрашувидан кейин ҳар жамоа бош мураббийлари матбуот анжуманида иштирок этишди.

Вадим АБРАМОВ (“Локомотив” бош мураббийи): - Омад бўлмаганда шундай ҳолат рўй беради. Терма жамоадан қайтган футболчилар тўлиқ тайёр бўлишмади. Бунга мен айбдорман. Бизга қарши ўйинда барча ҳимоядан ўйнайди. Яхши ҳолатда бўлганимизда тезроқ ўйнашга улгурардик. Бугун эса бундай бўлмади. Биринчи бўлимдаёқ Ҳасанов ва Абдухолиқов деярли сафдан чиқишди. Шоаҳмедов ҳам ўзига ўхшамади. Ўтган йили ҳам терма жамоа учрашувидан кейин “Пахтакор” билан муҳим беллашувда мағлубиятга учрагандик. Бу йил ўша воқеа яна такрорланди. Агар Абдухолиқов ўйин бошидаги вазиятдан фойдаланганда ҳозир бошқача саволлар бўлиши мумкин эди.