“Сўғдиёна” – “Нефтчи” учрашувидан сўнг бўлиб ўтган матбуот анжуманида меҳмонлар катта мураббийи Андрей Фёдоров қатнашди.
– Ўйлайманки бугунги ўйин мухлислар учун анча қизиқарли бўлди. Ҳар иккала жамоа ҳам кўплаб хавфли вазиятлар содир этишди. Шундай бўлса-да ўйин анча асабий руҳда кечди. Шогирдларимда ўйиндан олдин ҳам ғалабага бўлган иштиёқлари бор эди. Улар бугун майдонда борларини бериб ҳаракат қилишди. Бугун биз учун анча қийин ўйин бўлди. Тўғрисини айтадиган бўлсам, “Сўғдиёна” ҳам очкога лойиқ эди. Мен бир ярим йил давомида “Нефтчи” билан ишлаётган бўлсам, ҳар бир машғулот, ҳар бир ўйинда футболчиларни қирраларини яна ҳам яхшироқ ўрганишимга сабабчи бўлаяпти. Мурод Исмоилов ҳақида тўҳталадиган бўлсам, унинг соғлиги билан боғлиқ муаммолари яхши бўлгач, албатта ўз вазифасида фаолиятини давом эттиради.
