13 сентябрда футбол клублари тарбияланувчилари ўртасида Тошкент шаҳар биринчилиги иккинчи босқичининг 5-тур учрашувлари ўтказилди.

“Бунёдкор-А” ўз уйида “Спартак”ни қабул қилган бўлса, “Бунёдкор-Б” сафарда “Локомотив” билан куч синашди. Эътиборга молик томони, “Спартак” олдинги турда “қалдирғочлар”нинг “Б” жамоасига қарши меҳмонда ҳаракат қилган эди.

Шу куни 6 беллашув белгиланган эди. Аммо 2001 йили таваллуд топган ўсмирлар қарама-қаршилигида меҳмонлар устозининг ножўя ҳаракатлари боис бош ҳакам баҳснинг ярмида ўйинни тўхтатиб қўйди (катта эҳтимол билан “Спартак” жамоасига техник мағлубият ёзилиши мумкин).

“Бунёдкор-А” - “Спартак” 2:3 (2005 й)
“Бунёдкор-А” - “Спартак” 1:1 (2004 й)
“Бунёдкор-А” - “Спартак” 5:1 (2002 й)
“Бунёдкор-А” - “Спартак” 5:0 (2000 й)
“Бунёдкор-А” - “Спартак” 2:0 (1999-98 й)

“Бунёдкор-А” вакиллари 3 учрашувда зафар қучишди, биттадан дуранг ва мағлубият қайд этилди. Тўплар фарқи - 15:5 “қалдирғочлар” фойдасига. 2000 ва 2002 йилда туғилган бунёдкорчилар рақиблари дарвозасини 5 мартадан ишғол қилишди.

“Локомотив” - “Бунёдкор-Б” 3:1 (2005 й)
“Локомотив” - “Бунёдкор-Б” 0:0 (2004 й)
“Локомотив” - “Бунёдкор-Б” 0:1 (2003 й)
“Локомотив” - “Бунёдкор-Б” 1:1 (2002 й)
“Локомотив” - “Бунёдкор-Б” 1:0 (2001 й)
“Локомотив” - “Бунёдкор-Б” 5:0 (2000 й)
“Локомотив” - “Бунёдкор-Б” 0:1 (1999-98 й)

“Бунёдкор-Б” сафарда “Локомотив”га қарши қийин ўйинлар ўтказди. Буни қайд этилган ҳисоблардан ҳам билиб олса бўлади. “Қалдирғочлар” шу куни 3 марта майдонни мағлуб ҳолда тарк этишди, 2 дуранг ва 2 ғалабага эришишди. Тўплар фарқи “темирйўлчилар” фойдасига - 10:4.

Кейинги тур ўйинлари 20 сентябрга белгиланган. “Бунёдкор-А” жамоамиз Республика олимпия захиралари коллежи билан баҳсларини аввалроқ ўтказган. “Бунёдкор-Б”ни эса сафарда “Пахтакор”га қарши яна бир жиддий синов кутиб турибди.

Бекзод Исаев