"Челси" бош мураббийи Жозе Моуриньо Англия чемпионати 5 турида "Эвертон"га қарши кечган баҳсдан (1:3) сўнг рақиб бош мураббийи Роберто Мартинесни ҳақорат қилди.

Хабар қилинишича, Роберто Мартинес иштирокидаги матбуот анжумани чўзилиб кетган ва бу ҳолат Моуриньога ёқмаган. Испаниялик мураббий анжуманлар хонасидан чиқиши билан Моуриньо унга қарата: "Роберто, келаси сафар уларга айт, матбуот анжуманига мен биринчи бўлиб кирай. биз ҳали уйга қайтиб кетишимиз керак", - деган. Бунга жавобан Мартинес: "Биз бу иш билан шуғулланмаймиз, мен буни назорат қилмайман", - дея жавоб қайтарган.

Моуриньога рақибининг жавоби ёқмагач, у:  «F------ hell», дея ҳақоратли гап айтган ва матбуот анжуманига кириб кетган.