"Манчестер Юнайтед” клуби 2012/13 ва 2013/14 йилги мавсумларда жароҳатланган футболчиларнинг тикланиши учун умумий миқдорда 46,17 миллион евро (33,84 миллион фунт) маблағ сарфлаган. Ушбу муддат ичида “МЮ” ўйинчилари 84 бор турли даражадаги жароҳат орттириб олишган.

“Қизил иблислар”дан кейинги ўринларда “Арсенал” (41,7 млн евро), “Манчестер Сити” (41,2), “Тоттенхэм” (27,1), “Ливерпуль” (22,5). Мамлакатнинг амалдаги чемпиони “Челси” тўққизинчи поғонани (12,2 млн евро) эгаллаб турибди. Бу ҳақида Eurosport.ru Daily Mail нашрига таяниб хабар берди.

Премьер-лига клублари жароҳатланган футболчилар учун йилига умумий ҳисобда 168,2 млн евро сарфлашмоқда.