16 сентябрь куни "Пахтакор" Ўзбекистон Кубоги ярим финал жавоб баҳсида "Бунёдкор" меҳмони бўлади.

Дастлабки ўйинда "Бунёдкор" 3:2 ҳисобида ғалаба қозонган. Шу сабабли жамоамизни икки ва ундан кўп кўп фарқли ғалаба ёки 3:2дан каттароқ бир тўп фарқли муваффақият финалга олиб чиқади.

Бундан олдин жамоалар Кубокда 3 бор финалда ва бир бор ярим финалда тўқнаш келганлар. Финаллардан 2тасида жамоамиз устун келган. Бир финал ва ярим финалда рақиб кучлироқ чиққан. Бу сафар финал учун кураш кескин кечишига шубҳа йўқ.

"Бунёдкор" - "Пахтакор" учрашуви 16 сентябрь, чоршанба куни соат 18:00да "Бунёдкор" стадионида бошланади. Жавоб баҳсини ҳам биринчи учрашувни бошқарган Виктор Серазитдинов бошқаради.

Жамоамиз мухлисларини муҳим ўйинда футболчиларни қўллаб-қувватлашга чақириб қоламиз.

"БУНЁДКОР" - "ПАХТАКОР"

Ҳакамлар: Виктор Серазетдинов (Тошкент), Маъмур Саидқосимов (Тошкент), Олим Абдувасилов (Тошкент), Вадим Агишев (Тошкент).

Назоратчи: Алишер Абдуллаев (Тошкент).