“Рома” бош мураббийи Руди Гарсия Европа Чемпионлар Лигаси 1-турида “Барселона” билан ўйиндаги натижадан(1:1) қониқиш ҳосил қилганини айтиб ўтди.

Мураббийнинг айтишича, ушбу дуранг натижа римликларнинг ишончи ортишига сабаб бўлади.

- Бу биз учун жуда муҳим натижа, - дея Гарсия сўзларини келтиради УЕФА расмий сайти. - “Барселона” билан ўйиндаги дуранг бизни навбатда кутаётган учрашувлар олдидан ғалабага бўлган ишончимизни оширади.

- “Рома” тактик томондан жуда пишиқ ҳаракат қилди, ҳар бир футболчи ўз ўрни ва вазифасини анлаган ҳолда бор кучи билан ўйнади. Муайян вазиятларда яхшироқ ечим топса бўларди, лекин барибир жамоамнинг ҳаракатларидан қониқдим.