“Металлург” футбол клуби маъмурияти, жамоа раҳбарияти ва барча ўйинчилари, мухлислари номидан иқтидорли ҳужумчимиз Шаҳзодбек Нурматовни ҳаётидаги унутилмас воқеалардан бири – турмуш қурганлиги билан самимий табриклаймиз. Келинимиз Азизахон билан турмушлари ширин, қувончли кунларга бой бўлишини тилаймиз. Янги оила Ватанимизнинг энг намунали оилаларидан бири бўлишини истаб қоламиз. Келиннинг қадами Нурматовлар оиласига хайрли, қут-барака, хурсандчилик ва доимий шодлик олиб келган бўлсин. Келгуси йили шу оиладан чақалоқ йиғиси эшитилишини тилаймиз. Ўз навбатида Шаҳзоднинг жароҳатдан тезроқ соғайишини, асал ойини кўнгилдагидек ўтказиб “Металлург” сафига қайтишини, чиройли голлари билан оила аъзоларини, шу жумладан Азизахонни хурсанд этишини истаб қоламиз. Севимли мухлислари қаршисида фарзандли бўлган хурсандчилик онларини бетакрор голлари билан жамоадошлари қуршовида нишонлаш насиб этсин. Тўйлар муборак, куёв бола!!!