18-турдан ўрин олган “Андижон”нинг “Олмалиқ”қа қарши ўтган учрашувидан сўнг жамоамиз ҳимоячиси Умрилло Рамозоновни футболчилик лицензияси олиб қўйилганди. Куни кеча ПФЛнинг тартиб интизом қўмитаси футболчининг ҳаракатларини кўриб чиқиб қарор қабул қилди.
“Олмалиқ” билан бўлган баҳсда Рамозонов рақиб ўйинчиси Неманья Йовановични юзига тепиб юборганди. Унинг бу ҳаракатини салбий баҳолаган ПФЛ ҳимоячини 3 та учрашувга четлатди. Бундан ташқари Рамозоновга молиявий жарима ҳам солди.
Шунингдек, 20-турда “Бухоро” ва “Андижон” ўринбосарлари баҳсида қизил карточка олган Лочин Долимов 2та ўйинга дисквалификация қилинди. 21-турда “Қизилқум” ёшларига қарши кечган беллашувда майдондан четлатилган Аброр Комилов ва Рўзивой Абдуғаффоров ҳам иккитадан учрашувни ўтказиб юборишади.
