Чемпионлар лигасининг дастлабки турида Лондоннинг "Арсенал" жамоаси сафарда Загребнинг "Динамо"сига имкониятни бой берди. Furkat.uz сайти ушбу учрашувга оид 10 та фактни эътиборингизга ҳавола этади.

1. Ушбу жамоалар Чемпионлар лигаси тарихида учинчи бора рақиб бўлишди.

2. Загребликлар ўз тарихларида илк бора “Арсенал” устидан зафар қучди.

3. “Динамо” Чемпионлар лигасидаги 15 ўйинлик ғалабасиз сериясига барҳам берди.

4. Загребликлар биринчи марта Чемпионлар лигасининг илк турида гол уришди ва биринчи марта уч очко олишди.

5. “Арсенал” устози Арсен Венгер Чемпионлар лигасида 50 марта мағлуб бўлган дастлабки мураббийга айланди.

6. “Канонирлар” ҳужумчиси Тео Уолкотт мусобақада ўзининг 10-голини киритди.

7. Уолкотт “Арсенал” таркибида Чемпионлар лигасида 10 та гол урган 6-футболчига айланди.

8. Лондонликлар ҳужумчиси Жиру Чемпионлар лигасидаги дастлабки қизил карточкасини олди.

9. Ушбу қизил карточка “Арсенал” учун Чемпионлар лигасидаги 16-си бўлди.

10. “Арсенал” ҳужумчиси Чемберлен Чемпионлар лигасида сафар ўйинларида биринчи марта гол урди. Уни ҳам ўз дарвозасига!

Фурқат Юсупов тайёрлади
Манба: www.Furkat.uz