"Пахтакор" олий лиганинг 22-турида Наманганда "Навбаҳор" меҳмони бўлади.

Олий лиганинг барча мавсумларида ўйнаб келаётган бу жамоалар тўқнашуви доимо ишқибозлар эътиборини жалб этади. "Навбаҳор" ўз майдонида ҳар қандай рақибга жиддий қаршилик қила олади.

Жамоалар олий лигада 47 бор тўқнаш келган. 30та ўйинда “шерлар”нинг қўли баланд келган бўлса, 11та учрашувда “лочинлар” ғолиб бўлишган. Олти учрашувда ғолиб аниқланмаган. Тўплар нисбати “Пахтакор” фойдасига. Жамоамиз шу кунга қадар ўзаро ўйинларда 81та гол уриб, ўз дарвозаларидан 36 марта тўп олиб чиқишган.

"Навбаҳор" ўз уйида 10 марта ғалаба қозонган. "Пахтакор" Намангандан 9 бор ғолиб бўлиб қайтган. Қолган 4та учрашувда дуранг қайд этилган. Биринчи даврада Тошкентда ўтган ўйин тақдирини Андреевнинг ягона голи ҳал қилганди.

Намангандаги беллашувни Зокир Қодиров бошчилигидаги ҳакамлар гуруҳи бошқаради.

Ёшлар таркиблари баҳси 19 сентябрь, шанба куни соат 15:30да, асосий жамоалар ўйини 20 сентябрь, якшанба куни соат 16:30да "Навбаҳор" стадионда бошланади.

"НАВБАҲОР" - "ПАХТАКОР"

Ҳакамлар: Зокир Қодиров (Навоий), Андрей Снетков (Тошкент вилояти), Владлен Лушин (Гулистон), Акмал Раҳимов (Андижон).

Назоратчи: Радик Серазетдинов (Тошкент).