“Навбаҳор” ва “Пахтакор” жамоалари ўртасидаги учрашувдан сўнг ўтказилган матбуот анжуманининг биринчи қисмида тошкентликлар устози Нўъмон Ҳасанов журналистларнинг қизиқтирган саволларига жавоб қайтарди:

- Авваламбор қўлга киритилган ғалаба билан футболчиларимизни табриклайман. Гувоҳи бўлганларингдек, ўйин кескин курашлар ва асабий тарзда ўтди. Шу каби ўйинлар кўпайса футболимиз ўсади деб ўйлайман. “Навбаҳор” жамоаси бугун кучли ўйин намойиш қилди. Агарда наманганликлар ҳар бир учрашувни шу тарзда ўтказизса жамоанинг ғалабалари сони кўпроқ бўлади. Умуман олганда бугун майдонда тенг кураш кечди деб айтиши мумкин. Майдоннинг ҳар бир қаричида муросасиз кураш кечди. Бу каби курашлардан жамоамиз аъзолари қочишмади. Ғалабани кўзлаганимиз сабабли шундай бўлди. Аслини олганда баҳсни шу тарзда кечишини олдиндан билгандик. Футболчиларимиз жасорат кўрсата олишди.