Футзал бўйича Ўзбекистон аёллар терма жамоаси Малайзияда старт олган Осиё Чемпионати баҳсларини мағлубият билан бошлади.

Осиё Чемпионати гуруҳ босқичи 1-турида Аваз Мақсумов бош мураббийлигидаги терма жамоа турнир мезбони – Малайзия терма жамоасига қарши майдонга тушди ва 4:9 ҳисобида имкониятни бой берди. Ўзбекистон аёллар терма жамоаси сафида голларга Маҳлиё Сарикова (3та) ҳамда Маҳлиё Юсуповалар муаллифлик қилишган.

Таъкидлаш лозим, футзал бўйича аёллар ўртасидаги қитъа мусобақасида жами 8та терма жамоа иштирок этмоқда. Ўзбекистон ҳамда Малайзия терма жамоалари билан бир гуруҳдан шунингдек Гонконг ҳамда Эрон терма жамоалари ўрин олишган.

Футзал бўйича Ўзбекистон аёллар терма жамоаси мусобақанинг 2-турида 23 сентябрь куни Эрон терма жамоасига қарши ўйнайди. 

Футзал бўйича аёллар ўртасида Осиё чемпионати. Малайзия.

"A" гуруҳи, 1-тур.

Малайзия - Ўзбекистон 9:4.

Голлар: Маҳлиё Сарикова (3та), Маҳлиё Юсупова.