Ўзбекистон терма жамоаси бош мураббийи Самвел Бабаян Баҳрайнга қарши учрашувга таркибни 28 сентябрь куни эълон қилади.

Миллий терма жамоа 1 октябрь куни Тошкентда йиғинга киради ва октябрнинг 6-санасигача машғулот ўтказади. 6 октябрь куни чартер рейси билан Манамага учиб кетилади.

Баҳрайн-Ўзбекистон учрашуви 8 окятбрь куни Тошкент вақти билан 20:00 да бошланади.

Миллий терма жамоа делегацияси 9 октябрь куни Тошкентга қайтади.

Баҳрайн “Н” саралаш гуруҳида 3 ўйиндан кейин 3 очко билан 4-ўринда бормоқда. Ўзбекистон терма жамоаси эса 3 та ўйинда 6 очко жамғариб, гуруҳда тўплар нисбати ва ўзаро ўйинлардаги яхши натижа сабабли 6 очко жамғарган Филиппин терма жамоасини ортда қолдирган ҳолда 2-ўринни эгаллаб турибди.

3 та ўйинда 9 очко тўплаб, 100 фоизлик кўрсаткич билан гуруҳда пешқадамлик қилаётган Шимолий Корея бу турни ўз уйида Филиппин терма жамоасига қарши ўтказади. Мазкур ўйин Тошкент вақти билан 12:00 да бошланади.