24 сентябрь, пайшанба куни Тошкентнинг “Бунёдкор” жамоаси олий лига 23-тури доирасида Жиззахнинг “Сўғдиёна” клубини қабул қилади.

Ушбу учрашув жамоаларнинг ўзаро ҳисобдаги ўн иккинчи тўқнашуви сифатида тарихда қолади. Бунгача ўтказилган ўйинларнинг ўнтасида “қалдирғочлар” ғолиб чиқишган бўлса, жиззахликлар ҳисобида битта ғалаба бор. Тўплар фарқи – 33:3(!).

Ўзаро ўйинлар тўпурарлари ҳақида гап кетганда Сервер Жепаров, Ривалдо ва Олександр Пишурни эслаб ўтиш даркор. Бу икки футболчи жиззахликлар дарвозасига тўрттадан гол йўллашган. Эътиборлиси, Ривалдонинг тўрт голи бир ўйинга тўғри келади. Яна ҳам аҳамиятлиси бразилиялик футбол афсунгари ўз покерини 17 дақиқа ичида нишонлаган.

Қуйида “Бунёдкор” – “Сўғдиёна” учрашувларининг тошкентликлар мезбонлигида ўтган учрашувлари қайдномаларидан кўчирмалар ва киритилган голлар билан танишишингиз мумкин.

БУНЁДКОР – СЎҒДИЁНА 2:0 (1:0)
25.08.2008. 18-тур. Тошкент. МҲСК стадиони. 5873 томошабин
Бош ҳакам: Абдухамидулло Расулов - 9,2
Голлар: Вильянуэва, 31 (1:0), Жепаров 82 (2:0)

БУНЁДКОР – СЎҒДИЁНА 5:0 (0:0)
29.06.2009. 15-тур. Тошкент. “Жар” стадиони. 5416 томошабин
Бош ҳакам: Валентин Коваленко - 9,6
Голлар: Ривалдо 54 (1:0), Ривалдо 61 (2:0), Ривалдо 65 (3:0), Ривалдо 71 (4:0), Жепаров 90+3 (5:0)

БУНЁДКОР – СЎҒДИЁНА 1:0 (1:0)
06.08.2011. 15-тур. Тошкент. “Жар” стадиони. 3060 томошабин
Бош ҳакам: Рустам Бобомуродов - 8,4 (Навоий)
Гол: Трифунович 24 (1:0)

БУНЁДКОР – СЎҒДИЁНА 5:0 (3:0)
04.03.2013. 1-тур. Тошкент. “Жар” стадиони. 764 томошабин
Бош ҳакам: Бахтиёр Намозов (Тошкент)
Голлар: Олександр Пишур 13 пенальти (1:0), Олександр Пишур 28 пенальти (2:0), Лутфулла Тўраев 32 (3:0), Олександр Пишур 71 (4:0), Камолиддин Мурзоев 86 (5:0)

БУНЁДКОР – СЎҒДИЁНА 1:0 (0:0)
18.10.2014. 23-тур. Тошкент. “Бунёдкор” стадиони. 2687 томошабин
Бош ҳакам: Шерзод Қосимов (Тошкент)
Гол: Воҳид Шодиев 10