“ПСЖ”  ҳужумчиси Златан Ибрагимович ўзининг аввалги спорт формасига қайтаётганини таъкидлади. Швециялик форвард Франция чемпионатидаги “Генгам”га (3:0) қарши учрашувда узоқ муддатли танаффусдан сўнг яна гол киритди.

“Энг муҳими, менинг аввалги ўйиним қайтмоқда. Энг яхши спорт формамни тиклаш учун менга ўйин амалиёти зарур. Мен тўп киритишни уддаладим, жамоам ғалаба қозонди, демак барча мамнун бўлиши мумкин.

Жисмоний жиҳатдан ўзимни яхши ҳис қиляпман. Келгусида ҳам худди шу тарзда давом этиш ва ўйинимизни кучайтиришимиз лозим”, - дея “Спорт Экспресс” Goal интернет нашрига таяниб Ибрагимовичнинг сўзларини келтиради.