Таниқли футболчилар агенти Жорже Мендешнинг энг машҳур мижозидан бири бу Криштиану Роналду. Маълумотларга қараганда агент португалия футбол юлдузи учун янги жамоа излаш билан банд.
Испаниянинг таниқли нашри Don Balon хабар беришича, 30 ёшли португалиялик футболчи жамоадан кетишига сабаб сифатида бош мураббий билан ўзаро муносабатларининг яхшимаслигида. Бенитес эса мадридликлар ўйин услубини Гарет Бэйлнинг асосий ижрочилигида қурмоқчи.
Таъкидланишича, Роналду ПСЖ, “Манчестер Сити” ва “Манчестер Юнайтед” клублари билан музокаралар олиб боряпти. Бундан ташқари, Роналду ўтган йилнинг ёзида жамоани тар этиши мумкин бўлганлиги ҳақида ҳам айтилган. Асосий сабаб клуб президенти Флорентина Переснинг футболчига бўлган муносабати.
Вазиятга реал қаралса, Роналдуни Манчестер шаҳрининг “Олд Траффорд” стадионида интизорлик билан кутишмоқда. Ва хаттоки, баъзи мухлисларнинг бу борада ҳаракатларига ҳам гувоҳи бўлганмиз.
Шуни инобатга олсак, Роналду “Манчестер Сити”га ўтиши қийин масала. Рўйҳатнинг қолган жамоаларида ҳам футболчини таркибига қўшиб олиш учун яхши имконият бор.
Эслатиб ўтамиз, Роналдунинг “Реал” билан амалдаги шартномаси 2018 йилга қадар мўлжалланган.
