Афсонавий бразилиялик ҳужумчи Пеле “Арсенал”га қарши учрашувдан сўнг учта ўйинга четлатилган “Челси” форварди Диего Костанинг ҳатти-ҳаракатига муносабат билдирди.
“Қулоқ солинглар, менга ушбу вазият жуда таниш. Мен бутун умр ҳимоячиларнинг ўта кучли босимидан жабр кўрганман.
Коста – жуда яхши ўйинчи, буни ҳамма билади. Бу бир вазият. Ҳужумчи Луис Суареснинг кимнидир тишлаб олгани эса бундан ҳам ёмонроқ ҳаракат эди”, - дея Sports.ru Marca нашрига таяниб Пеленинг сўзларини келтиради.
Эслатиб ўтамиз, Диего Коста “Арсенал” ҳимоячиси Лоран Косьельнининг юзига зарба берган. Ўз шеригининг ёнига олган Габриэл Паулиста майдондан четлатилган бўлса, Диего Коста ўша қилмиши учун ҳакам томонидан бор-йўғи сариқ карточка билан огоҳлантирилган эди.
