Жаҳонга машҳур Forbes журнали энг бадавлат футбол агентлари рейтингини эълон қилди.
Унга кўра, Криштиану Роналду, Радамель Фалькао ҳамда Анхель Ди Мария каби юлдзул футболчиларнинг ҳуқуқий масалалари билан шуғулланадиган португал агенти Жорже Мендеш жаҳондаги энг бой футбол агенти дея эътироф этилди. Маълум бўлишича, Жорже Мендеш сўнгги йилда 62,7 миллион фунт ишлаб топди. Унга қарашли агентлик идораси эса умумий ҳисобда 627,7 миллион фунтлик шартномалар тузди.
Бу борада иккинчи поғонадан Гарет Бейлнинг агенти Жонатан Барнетт жой олди. Унинг даромади 28,8 “лимон”ни ташкил этмоқда.
Марио Гётце, Тони Кроос ва Марко Ройс каби немис футболчилари билан ишлайдиган Фолькер Струт эса “бойвачча” агентлар орасида учинчи ўринга лойиқ кўрилди.
